لوجو الحروف (LetterMark):
هو ابسط طريقة للوجو لو كان الشركة اسمها كبير مكون من كذا كلمة مع بعض زى لوجو ناسا (NASA) وهو في الأصل اسم الهيئة أو المؤسسة (National Aeronautics and Space Administration) أكيد مش هنعمل لوجو فيه كل الكلام دا فبناخد أول حرف من كل الكلمات ويطلعوا كلمة ومن الكلمة دي بنعمل اللوجو.
لوجو الكلمة (WordMark):
وهى طريقة مثالية لو كانت اسم شركتك قوي وواضح، لوجو الكلمة بيزود القوة دي وبيمنحه شخصية وقيمة تقديرية أقوى زى جوجل (Google)، لكن اتأكد من اختيارك الخط المناسب لتصميم اللوجو.
لوجو الصورة أو الرمز (PictorialMarks)
لوجو الرمز هو لوجو بسيط وسهل جدًا في حالة ان اسم شركتك بيعبر عن دا فعلًا زى شركة Apple او Twitter والنوع دا من اللوجو بيخلق اتصال قوي وفريد مع العملاء وبيرتبطوا بيه دايمًأ.
اللوجو المجرد (AbstractMarks):
هو لوجو شبيه بلوجو الصورة او الرمز لكن بدل من التفاحة والطائر ممكن يكون شكل هندسي او شكل بيشرح حاجة داخل الشركة مش لازم يكون الشكل مفهوم أوي لكنه بيعبر عن الشركة بشكل قوي وصريح، ممكن ناخد لوجو شركة أديداس كمثال، الخطوط الثلاثة ملهمش معنى هندسي لكنهم بيعبروا عن اهداف الشركة وارثها وهى التنوع والشمولية والانتشار العالمي.
لوجو التميمة (MascotMarks):
وهو لوجو بيضم شخصية مشهورة أو شخصية البراند معروف بيها، وفي الغالب بتكون كارتون مرسومة، ودا بيظهر اللوجو جدًا وبيتكلم عنه، زى شعار دجاج كنتاكي،
اللوجو المركب(CombinationMarks)
وهو لوجو بيجمع الصورة والكلام مع بعض وبيكون الكلام داخل في الصورة أو جنب بعض أو الصورة فوق والكلام تحتها، والاستايل دا هو الخيار الشائع لانه بيسمحلك تستخدمه بأكتر من شكل ممكن اللوجو بس وممكن الكلمة بس وممكن الاتنين مع بعض وممكن التميمة لوحدها زى لوجو امازون.
كده احنا وصلنا لجزء مهم جدًا، كشركة عرفت ايه هى الشخصية اللي عاوز عملائي يشوفوها،
وليه محتاج لوجو وليه لازم يكون مميز ومنين الاقي الإلهام علشان اصمم اللوجو، وايه أنواع الشعارات ..طيب أبدأ
منين؟
فيه مواقع كتير جدًا ممكن تساعدك انك تعمل اللوجو بتاعك منها المجاني ومنها
المدفوع:
مواقع تصميم اللوجو مجانًا:
TailorBrands – BrandCrowd – LOGO.COM –
Looka – Canva
– ADOBE – Design Hill
وانت بتصمم اللوجو لازم تكون واخد بالك من النقط الجاية:
ممكن تختار ألوانك من الموقع دا Colorhunt.com
شكرًا لكم.
مسابقة سنوية تم إطلاقها في 2018، كأول مسابقة في مجال ريادة الأعمال والابتكار لطلاب التعليم الفني، وتقام المسابقة بالتعاون مع قوى عاملة مصر الممول من الوكالة الأمريكية للتنمية الدولية بمصر، بالتعاون مع وزارة التربية والتعليم والتعليم الفني، وأكاديمية البحث العلمي والتكنولوجيا، جمعية اتصال وتنظيم من شركة كالتيف وشركة أيديا سبيس.
©2024. فني مبتكر. جميع الحقوق محفوظة.